ကြမာရဟတ် ကမာတစ်ပတ်မလည်ဘူး ဆိုတာမင့် တကယ် မယုံလို့ မရအောင် ခုတော့ ဒီသံသရာဝဠ်ကြွေးတွေကို မင့် ပေးဆပ်နေရပါပြီ။
မင့် ငယ်ငယ်လေးတည်းက အမေက သမီးမိန်းကလေးမို့ မင့်ကို ခြံထဲက ပန်းပင်တွေ ဟင်းသီးဟင်းရွက်ပင်တွေ အချိန်၇ှိရင် ရေလောင်းဖို့ မိန်းကလေးအလုပ်ဖြစ်တဲ့ ထမင်းဟင်းချက်ဖို့တွေ ခိုင်းရင် မင့် ဘယ်တော့မှ လုပ်မပေးပဲ အမြဲ ထွက်ပြေးခဲ့တာချည်းပါပဲ။
မင့် ဆယ်နှစ်သမီးလောက်တည်းက ချောင်းမြောင်းတွေမှာ ငါးပုစွန်ဖမ်း ခြံထဲက ပုရွက်ဆိတ် နှံကောင်စတဲ့ အကောင်ပလောင်တွေကို ဖမ်းဆီး နှိပ်စက်နေရတာကို ပျော်မွေ့ခဲ့တယ်။
တခါကဆို မင့်ငါး အကောင်တစ်ရာလောက်နီးပါး ဖမ်းမိတော့ သူငယ်ချင်းကို ပြောမိတယ်။ငါးတွေက မျက်လုံးမမှိတ်ပဲနဲ့ ရေထဲကူးသွားကူးလာ လုပ်နိုင်တယ်။သူတို့မျက်လုံးထဲ ရေမ၀င်ဘူးလား။ အဲဒီ မျက်လုံးတွေ မရှိရင်ရော သူတို့တွေ ရေကူးလို့ရမလားဆိုပြီး စဉ်းစားမိတာကို ပြောမိတယ်။
ဒါနဲ့ မင့်လဲစိတ်ကူးလေးတခုရလာလို့ ဖမ်းမိတဲ့ ငါးတွေရဲ့ မျက်လုံးတွေကို ကလော်ထုတ်ပြီး တစ်ကောင်ချင်းစီကို ရေထဲပြန်လွတ်ခဲ့တယ် ။မင့်သူငယ်ချင်းမလေးက မင့်အဲလိုလုပ်တာကို အထူးအဆန်းလိုကြည့်ပြီး ဘာလုပ်တာလဲမေးပေမယ့် မင့်ဂရုတောင် မစိုက်ခဲ့ဘူး။
အဲဒီငါးလေးတွေကို လည်း နည်းနည်းမှ သနားတဲ့စိတ်မျိုး မင့်မဖြစ်ခဲ့ဘူး။တစ်ကောင်ပြီးတစ်ကောင် မျက်လုံးလေးတွေ ဖေါက်ဖေါက်ထုတ်ပြီး ရေထဲပြန်လွှတ်နေတာကို မင့်စိတ်ထဲမှာ ပျော်တောင်နေခဲ့မိသေးတယ်။
မင့် အရွယ်ရောက်လာလို့ အိမ်ထောင်ပြုဖြစ်တော့လည်း မင့် တို့လင်မယား ၀က်မွေးဝက်သတ်လုပ်ငန်းနဲ့ အသက်မွေးဝမ်းကြောင်းမှု ပြုလာခဲ့တယ်။
အိမ်ထောင်ရှင်မဘ၀မှာလည်း မင့်ဟာ အချိန်ရရင် ၀က်ခြံကိုသွားပြီး မွေးထားတဲ့ ၀က်တွေကို စိတ်တိုင်းကျ သွားသွားပြီး ရိုက်နှက်နေရတာကို နှစ်သက်ပျော်ရွှင်နေမိခဲ့တယ်။ဝက်တွေနာလို့ အော်တဲ့အသံကို မင့်ကြားရတော့ မင့်ကြည်နူးနေမိခဲ့တယ်။
မင့်ရိုက်လို့ ၀က်တွေခြံထဲမှာအော်ရင် တခါတလေ မင့်တို့အိမ်နဲ့နီးနီးလေးနေတဲ့ မင့်မိခင်က လာအော်တော့မှ တုတ်လေးချပြီး
ဝက်ခြံကနေမင့် ပြေးထွက်လာတတ်ပါတယ်။
တရက်သော နံနက်ခင်းတခုမှာ မင့်အိမ်နီးနားချင်း အဖော်တွေနဲ့ ဘုန်းကြီးကျောင်းကို ဆွမ်းချိုင့်ပို့လိုက်သွားခဲ့ရာက ဘုန်းကြီးပေးတဲ့ ငါးပါးသီလခံယူရင်း ငါးပါးသီလရဲ့ အဓိပါယ်ကှို မင့်နားလည် သဘောပေါက်ခဲ့တယ်။
ဘုန်းကြီးကျောင်းက မင့်ပြန်ရောက်လာတော့ ငါးပါးသီလရဲ့ အနက်အဓိပါယ်ကို လေးလေးနက်နက် တွေးလေ သဘောပေါက်လာလေ သူတစ်ပါးအသက်ကို သတ်ခြင်း ဆိုတာကို မင့်တို့ လင်မယားနေ့တိုင်းလုပ်နေပါလားဆိုတာ တွေးမိလေ နားလည်ကြောက်စိတ်ဝင်လာလေမို့မင့် အပြင်သွားတဲ့ ယောကျာ်းဖြစ်သူ ပြန်အလာကို ထိုင်စောင့်နေခဲ့ပါတယ်။
မင့်ယောကျာ်းပြန် ရောက်လာတော့ ဒီဝက်သတ်တဲ့ အလုပ်တွေ မလုပ်ပဲ အခြားအလုပ်ပြောင်းလုပ်ဖို့ ယောကျာ်းဖြစ်သူကို မင့်ပူဆာခဲ့တယ်။
မင့် ယောကျာ်းက လည်းသဘောတူခဲ့ပါတယ် ။ဒါပေမယ့် ခုကျန်နေတဲ့ ၀က်တွေကို ဒီည နောက်ဆုံးပေါ်မယ်လို့ မင့် ယောကျာ်းက ပြောတော့ မင့်လည်း သဘောတူခဲ့ပါတယ်။
ညဆယ်နာရီလောက်ရောက်တော့ မင့်ယောကျာ်း ၀က်ပေါ်ဖို့ ခြံထဲကို ဆင်းတယ်။ မင့်လည်းလိုက်သွားဖို့ ပူဆာခဲ့မိတယ် ။မင့်ယောကျာ်းက ညနက်နေပြီ မလိုက်ဖို့ တားခဲ့ပေမယ့် နောက်ဆုံးညပဲ လိုက်ခဲ့ပါရစေလို့ ခွင့်တောင်းပြီး လင်ဖြစ်သူနဲ့ မင့်လိုက်ခဲ့မိတယ်။
ဝက်ခြံထဲ ရောက်တော့ ၀က်တွေကအော် မင့်ယောကျာ်းလည်း ရဲဒင်းကြီးကိုင်ပြီး ၀က်သတ်ဖို့လုပ်နေတုန်း မင့်က ၀က်ခြံထဲက ခုံတန်းရှည်မှာ ထိုင်ပြီးယောကျာ်းဖြစ်သူု ၀က်သတ်မှာကို ထိုင်စောင့်နေပါတယ်။
မင့်ယောကျာ်း ရဲဒင်းကိုအားနဲ့မပြီး ၀က်ခေါင်းကို တအားထုလိုက်တော့ ၀က်အော်သံတွေလည်း ဆူညံနေခဲ့ပါတယ်။
ဒါပေမယ့် သူ့ရဲဒင်းကပြုတ်ထွက်ပြီး နောက်နားမှာ ထိုင်နေတဲ့မင့်ကို လာထိမိတာ သူမသိပဲ ပြုတ်ထွက်သွားတဲ့ သူ့ရဲဒင်းခေါင်းကို လိုက်ရှာနေတော့တယ်။
ရဲဒင်းခေါင်းထိမိလို့ ထိုင်ခုံမှာ မျက်လုံးကိုလက်နဲ့အုပ်ပြီး သွေးစွန်းနေတဲ့ မင့်ကို မြင်တော့မှ မင့်ယောကျာ်း အလန့်တကြားမင့်နားကို ပြေးလာခဲ့ပါတယ်။
မင့်မျက်လုံးတွေ ကန်းပါပြီ ကယ်ပါဦး နာတယ်နာတယ် အော်ပြီး သွေးတွေကို အလန့်တကြားကြည့်ရင်း မင့်အဆက်မပြန်အော်နေသလို ခြံထဲက ၀က်တွေလည်း ကြောက်အားလန့်အားနဲ့ အော်သံတွေ ဆူညံနေပါတော့တယ်။
အဲညက ညတော်တော်နက် နေပြီမို့ဆေးရုံသွားဖို့လည်း အဆင်မပြေတာမို့ မင့်တို့ လင်မယား နှစ်ယောက်ဟာ သူတို့အိမ်လေးမှာပဲ မင့်မျက်လုံးကို ယောကျာ်းဖြစ်သူက ရေခဲအုပ်ပေးပြီး မိုးအလင်းကို စောင်ဖို့မင့်ကို အားပေးနေခဲ့ပါတယ်။
မင့် မျက်လုံးတွေ ကိုက်လှပြီ နာလှပြီ ခုညတွင်းချင်းပဲ ဆေးရုံကို ပို့ပေးပါလို့ ယောကျာ်းဖြစ်သူကို ပူဆာပေမယ့် ဆေးရုံလာဖို့ ငွေကြေးကစ ညတွင်းကြီးမှာ အဆင်မပြေလို့ မင့်တညလုံး မျက်လုံးကိုက်ဒဏ်တွေကို ညည်းညူရင် ညကို ခက်ခဲစွာကျော်ဖြတ်ခဲ့ရပါတယ်။
မနက်မိုးလင်းလို့ ဆေးရုံရောက်ချိန်မှာ ဆရာဝန်တွေက မင့်ညာဘက်မျက်လုံးတခုလုံးက ကြေကုန်ပြီမို့ ထုတ်ပစ်မှပဲ ရတော့မယ်တဲ့ ။အရမ်းကိုက်လွန်းနေတဲ့ ဒဏ်ကြောင့် မင့်လည်း မျက်လုံးကို ထုတ်ပစ်ဖို့ သဘောတူခဲ့ပြီး ညာဘက်မျက်လုံး ဆုံးရှုံးခဲ့ရပါတယ်။
ဆေးရုံကုတင်ပေါ်မှာ လဲလျောင်းရင်း မင့် ဆယ်နှစ်သမီးတုန်းက သူငယ်ချင်းမတစ်ယောက်နဲ့ ၄ားမျှားခဲ့တဲ့ ရက်လေးကို တရေးရေး မျက်လုံးထဲ ပြန်မြင်လာပြီး ၀ဠ်ဆိုတာ ဘ၀မကူးခင်မှာတောင် ပြန်လည်ပါလားဆိုတာ မင့် တွေးမိခဲ့ပါတယ် ။
သံသရာ ဆိုတာကိုလည်း တကယ် ယုံကြည်လက်ခံမိခဲ့ပြီမို့ ဆေးရုံကဆင်းလာပြီးနောက်ပိုင်း မျက်လုံးတစ်ဘက်ပဲ ကျန်တော့တဲ့ မင့်ဟာ ခုတော့ အသက် လေးဆယ်ဝန်းကျင်ရှိနေပြီး မင့်တို့လင်မယားဟာ ခုဆို ကောင်းရောင်းကောင်းဝယ်နဲ့ ပဲအသက်မွေးဝမ်းကျောင်းပြုပြီး နေကြပါတော့တယ်။
